mandag 21. november 2016

Ein melankolsk strek i hjarta

Eg har lenge visst at eg har ein melankolsk strek i hjarta.
Eg likar å vera aleine, høyre på dystre melodiar, sjå på hjarteskjærande youtube-klipp og teikna, skriva om einsamheiten, livet som introvert. Livet som eks-deprimert. Livet generelt.

Det betyr ikkje at eg er trist, lei meg eller deprimert.
Eg trur det betyr at eg har eit ekstra rom i hjarta mitt for kjensla av uro. Melankoli. Mørke og kulden som følger med desse orda, gir meg ikkje negative vibber. Det fyller meg med ein slags ro. Ei slags tru på at alle følelsar, har ein verdi. Sjølv om kjensla i seg sjølv ikkje er positiv, får ein ei slags takksemd over seg. Ei takksemd for at alt ikkje er perfekt, at det ikkje burde vera perfekt heller.

Når ein tar seg tid til å kjenna på melankolien, tar ein seg tid til å føla på alle strengene sine. Bruka alle fargespektre i paletten sin.



Eg trur norsk pop er mega melankolsk ifht annan pop. Og eg trur det har noko med oss å gjera, mørketida som bur inni oss. Denne usagte kulturen i Noreg; alle har seg sjølv nok, men er så inderleg gla i kvarandre også. Musikken me produserer pumper ut våre fellers hjarteslag.

Lyrikk som berre me forstår:
 at mørket ikkje er skummelt,
 djupet ikkje er farleg.

Det gjer oss ein tyngde som berre me veit å setta pris på.
Me som har melankolske hjarter
som ikkje lar oss knekka av ein lang vinter
men spirar like fint igjen til våren

søndag 20. november 2016

fredag 18. november 2016

be soft



-Kurt Vonnegut Jr.

lørdag 12. november 2016

Jakt

Det er ein ulv der ute i natta
den sitter heilt stille
ser på meg
luktar meg
siktar seg inn



Det er ei smerte i vinden
den klemmer lungene mine flate
fryser mitt kokande blod
jagar meg
allereie no


Høyr korleis dei ular mot månen!

Ein dag vil dei sette inn støtet







fredag 26. august 2016

Kjære Maria, 14 år

Inspirert av Snapkollektivet vil eg skriva litt tankar omkring det å vera 14.

Kjære Maria, 14 år...

...du er god nok! Og ein dag vil du synast det sjøl og!
...du er ikkje feit, stygg eller merkeleg!
...du kjem til å forstå gutar ein dag, og tilogmed få deg ein kjærast!
...du kjem til å bli kul, chill litt!
...fortsett å skriv! Syng! Dans! Les!
...please spar konfirmasjonspengene!
...ikkje ver så streng mot deg sjølv!


Div
mine dagbøker 2000-2012 (var 14 i 2002)

Eg har alltid skrive dagbok/journal, og til denne anledninga måtte eg nesten lesa litt i dei eg skreiv då eg var 14. Eg skreiv mykje om vener, gutar eg aldri torte å snakka med, familiemedlemmer som irriterte meg (eg var nok den mest plagsomme, hah). Kor søt min nye vetlebror var. Og generelt mykje kjedelige greier. Men det som eg såg gå igjen er usikkerhet, og frykt for å ikkje vera god nok. Eg er så sjukt glad for at ein berre treng å vera tenåring ein gong, at ein kan sjå tilbake med eit smil om munnen fordi det er over!

Til alle som er 14 idag: DU er god nok! Ta det med ro! Give yourself a break! Du går gjennom den mest intense perioden i livet både mentalt og fysisk! Det aller meste er normalt! Og ikkje ver redd for å vera den du er (klisje, men det er vel ofte det ein tenker mest på som 14, at andre må lika ein?) Snakk om ting som er vanskelige, og ta til deg råd frå folk som er glade i deg! ♥

mandag 25. juli 2016

Sjølv





(Har vore litt i tvil om eg skulle posta dette biletet. Men kom fram til at det ikkje var så farleg. Eg ser slik ut av og til. Det er ikkje så mykje ein kan gjera med det. Bortsett fra å få seg litt søvn kanskje!)

fredag 20. mai 2016

Kunsten å røra mitt hjarta!


Den har du mestra Amanda Palmer

søndag 1. mai 2016

I hate you the least

Bilde: Gemma Correll is my spirit animal.

Av og til handlar det ikkje så mykje om å elska og ha svulstige følelsar og tankar. 
Men heilt enkelt å greit finna ut kva ein hatar minst her i livet.
Akkurat no hatar eg andre ting litt mindre enn å blogga.

tirsdag 22. mars 2016

Buss a`la Podcast`orama!

Klar ferdig gå! Her er mine favorittpodcastar! Som busspassasjer er det ein av yndlingsaktivitetane mine!



"Humor"-podcast der brødrene gir litt tvilsomme råd til lytterane sine som sender inn spørsmål. Dei tullar som oftast med døden, livet og alt mellom. Eg har ledd høgt mange ganger på bussen! NB: begynn med den første episoden ( den episoden eg posta her er nr 23, ein av mine favorittar)

Youtube-komikaren Grace Helbig lagar ein podcast med masse rare spørsmål til gjestene sine. Og eit løfte får me gang på gang: det skal ikkje gå for dypt! Aka: ikkje gå innpå nokon viktige tema, what so ever! Lettbeint humor som løftar humøret på bussen:)

Synne med sin avslappande radiostemme får meg alltid til å drømma meg vekk, uansett kva ho snakkaar om. Ho er flink til å se det vakre i kvardagslige ting, og minnar meg på å gjera det same!

Som bokhandlar er det gull å få litt innsyn i bøker ein ikkje har tid til å lesa! ofte med forfatter-gjester eller tema!

Politikk og debatt er ikkje alltid så interessant for meg, så eg plukkar litt ut her, men dei snakkar ofte om aktuelle tema, og går meir i dybden en ein kanskje har tid til på nyhetene på Tv. Tar inn gjester som ofte har god kompetanse på tema!

Veldig, veldig lokal podcast. Ikkje berre Stavanger, men Stavanger Øst! Trur dei spelar den inn i bygget rett over gata mi, hehe! For meg er det interessant, fordi Stavanger Øst er i kraftig utbygging og forandring. Det skal bli ein slags proto-bydel med masse festivalar og satsning på lokal mat og mykje spennande!

Har du nokre tips til meg?

torsdag 17. mars 2016

Musikktips: Masterpiece


Har litt dilla på ho her for tida 


torsdag 25. februar 2016

Boksnakk #4 Overlevelse!



Tittel: Fordi overlevelse ikke er nok

(Orginal tittel: Station eleven)

Forfatter: Emily St. John Mandel


Sjanger: Dystopi / roman


Kort samandrag: Sivilisasjonen slik vi kjenner den går under. Verda vår, full av teknologi og elektrisitet blir eit vagt minne om korleis livet var før. Born veks opp utan å skjønne kva ein lyktestolpe kunne bli brukt til. Å leva har blitt ein kamp for å overleve. Overleve kulde, varme, sult og ikkje minst ekstrimisme som blomstrar i ei valdeleg tid. Men nokon få ønsker at det var meir. Ein omreisande symfoni spelar musikk og viser teater fra tida før. Fordi overlevelse ikkje er nok. 


1: Kven er boka for? 

Boka er for oss som likar dystopi og Sci-fi. Boka er for oss som likar ein poetisk og vakkert skrive roman. Boka er for oss som likar å bli røska litt opp av de me leser. Me som likar å sitta å tenka over tematikken ei stund etter boka er slukt. 

( Eg synes det er interessant at boka på norsk, både ved cover-design og tittelvalg er mynta på romanlesarar. På engelsk har tittelen, (Station eleven) og coveret eit meir tydeleg Sci-fi preg over seg.)

2: Sum opp boka med eit slagord: 

Nokre ganger må me stilla oss spørsmål som: Kva er ein sivilisasjon? Er det å kunne trykka på ein knapp  for å sjå kva kva som skjer på andre sida av jorda? Er det å vera samla om ein kultur, kunst, eller ein felles infrastruktur på samfunnet? Er det å dokumentera, vidareformidla vår felles historie? Denne boka spør alle dei rette spørsmåla.

3: Minneverdig scene:  

Det er eit par dødsscener i denne boka, det må ein kunne forvente seg av ein god dystopi, spør du meg. Men dødsscena til ein av sidekarakterane traff meg hardare en andre. Ho sit aleine på ei strand i malaysia, heile livet prega av å klara seg aleine i verda. Så aleine ein kan bli når ein skal dø, og på eit kontinent langt vekke frå alt som er kjent, trist men og vakkert beskrevet, rørande å lesa. 


4: Minneverdig sitat: 

Eg klarar ikkje å hugse kor i boka dette stod; eg var for oppslukt då eg las og fekk ikkje notert det slik eg pleier. Men eg kan prøva å skriva det slik eg hugser det: 

"I ettertid var det merkelig å tenke på at noen en gang kunne leve av å ta bilder av kjendiser. Det var en ørliten luke i menneskets historie, kun et blunk, da det å være paparazzi kunne være et levebrød"

5: Kven ser du for deg spela hovudrollen i boka,om den blir filmatisert? 


 Måtte tenka litt på Kirsten Raymonde, men etter ein runde med megsjølv, ser eg føre meg at Kirsten ser litt ut som Kirsten Stewart. Men ho måtte ha pumpa muskler for å måla seg med den Kirsten eg ser føre meg frå boka!


Alec Baldwin er 
Arthur Leander i mitt hovud. Han er litt tjukkare og litt meir pjusk, men frå første side så var det faktisk han eg såg føre meg! 















6: Kva likte du minst? 

Det er veldig vanskelig å sei noko eg ikkje likte med ei bok som eg så og sei forelska meg heilt i! Men om eg måtte så hadde eg kanskje sagt at slutten var litt forutsigbar, fin altså, men forutsigbar. 

7: Kva likte du best? 

Språket! Åh! Eg sko nesten ønska at eg hadde lest den på engelsk, for då kunne eg gitt all ære til forfattaren! Cred'en må jo sikkert delas med oversettaren i dette tilfellet!  Språket er så vakkert, ein blir rørt av små ting som beskrivelsa av å vera einsam midt i eit middags-selskap. Eller at ein ser levande føre seg kor vakker stjernehimmelen må vera når heile jorda er mørklagt. Eg satt igjen med ein følelse av at dette var godt utført håndverk! 

 8: Har boka ein særeigen struktur/oppbygning?

Ja, absolutt! I begynnelsen av boka var det nesten som om forfattaren hadde sveisa saman to bok-manus heilt utan samanheng eller rød tråd. Ein var i nåtid, og framtid, elller var det framtida som var nåtida? Uansett, på hårfint vis vart det aldri forvirrande heller! Ein får tydelig beskjed om kvar ein befinner seg på tidslinja i kvart kapittel. Fortellarstemmen er alt-vitande, men samtidig glad i både personane og verda den beskriver. 

9: Korleis var språket?

Sjå punkt 7! Det var lett å lesa. Vakkert og poetisk i beskrivelsane og alltid med ein forkjærlighet: å sjå det vakre i ting. Til og med verdas undergang.

10: Kor mange stjerner? 


Alle seks! Full pakke! Har lyst til å lesa den på ny igjen nå med ein gang!

onsdag 10. februar 2016

(Lav)Mål for Februar/Mars

1.Gå på EIN yogatime. ein. thats it!


2. Lage EIN syngevideo. ein.

3.Rydde i klesskapet! Det tar ikkje så lang tid. Eg anar ikkje kvifor eg utsetter det i evighet.

4. Poste eit antrekksinnlegg på bloggen. EIT!!


Og desse "svære" måla gir meg megsjøl resten av Februar og Mars på å klara..
*sukk*
*klappe seg slapt på skuldera*

mandag 4. januar 2016

Hei Cosmo!

Hei Cosmo! 

Eg har ikkje gått med striper sidan eg var 13 år, las mitt første Cosmopolitan-blad og fant ut at det var forbudt for store jenter! 


wow.. eg kjennar meg så rar.. så fri.. det er vel berre ein ting igjen å sei: 

Fuck you Cosmo! 



Happy 2016! 

fredag 1. januar 2016

Balls

Heeeeeei Bloggeeeen! Eg berre tok meg ein lang haust/vinterferie! Var rett og slett litt ,veldig SAD (seasonal affective disorderd) sånn haust-deprimert, melankolsk og sjeleleg mørkredd veit du. Men eg tenkte å sparka ballen ned bakken, rulla snøballen, grab life by the balls igjen med eit nyttårsinnlegg, slik som eg vanlegvis pleier å skriva.

1: Bloggen har i år vært mykje rutiner, litt sånn krampeaktige innlegg for å ikkje heilt mista skrive-gnisten. Eg har bestemt meg for å ikkje gjera det meir. Ikkje meir lister, utfordringar eller mandagsinnlegg. Kvifor? Fordi det spiser opp sjela mi jo! Kva skal eg erstatta det med då? Vel. Eg skal faktisk prøva å SKRIVA noko her inne! kanskje personleg, kanskje berre oppspinn, men eg laga meg dette internettrommet for å vera kreativ, eg har mista det litt i år. Eg vil veldig gjerne prøva å gjenoppliva den delen av meg sjølv som ligg langt nedi avgrunnen å stønnar om å få sova eit år til.
Det skal eg gjera utan rutinerte innlegg eller pliktige tilrettelagte skriveri om slike obligatoriske ting som været og daglige gjeremål. Eg skal heller prøva å by meir på meg sjølv. Gidda litt meir, rett å slett!

2: Eg har lyst til laga youtubevideoar både på norsk og engelsk, så det skal eg prøva meg, litt ivrigare på. Vil veldig gjerne ha forslag om kva dei kan inneholde! Vil dykk koma med forslag? Eg ber på mine kne! (eg lovar, eg gjer det, akkurat no altså!! er litt støl..)

3: Om det er eit prosjekt eg skal begi meg ut på, så er det å gje meir faen i kva folk tenker om meg. Eg går liksom omkring og trur at eg gjer det, men eigentleg så gjer eg ikkje det, sånn inderst inne. Så eg skal bli meir uredd for kva andre syns om meg, prøva å utfordra megsjøl meir! out of the comfort zone asap!



(Av mangel på passande illustrasjonsbilete benytter eg som vanleg sjansen til å legga ut eit bilete av meg sjølv på internett, versågod! )

Allright! enkelt å greit så kan eg seie at mine nyttårstankar som vanleg, ikkje er så nyskapande.. Skal jo liksom berre prøva å bli eit litt meir ekte menneske. Sånn som alle andre og antagelegvis tenker på denne tida av året! Så, klar ferdig.. gje faen! 

fredag 25. september 2015

Bloggutfordring pt.2: Fem ting du har lyst på akkurat nå.

1: Eg har alltid lyst på enten kaffi eller sjokolade, akkurat nå ingen unntak!

2: Eg har lyst på eit idiotfilter på mine sosiale medier. ER det så vanskeleg å forstå at mennesker er mennesker? Muslimar, flyktningar, immigrantar, snylterar, alle desse orda som blir tankelaust slengt omkring på internett i fremmedfrykt, av dei som vil bygga piggtråd-gjerde kring landet vårt. Dei får pigga seg inne i sitt eige hus og klippa av internettledningen sin om dei er så redde då! For eg er lei av å høyra orda deiras... Eg kjenner at eg må holda meg hardt i nakken for å ikkje svara på diverse statusar. Det er ikkje verdt eit milligram av min energi altså.. Internettdiskusjonar fører sjeldan noko godt med seg, anna enn irritasjon då..

3: Eg har lyst på ferie til eit varmt land.. Kjenner haust-PMSen min brygga.. æsj.

4: Eg har lyst på ein skikkelig godt fest! Kanskje dette er året der eg faktisk arrangerer Halloweenfest! Tenker på det kvart år!

5: Eg har lyst på eit Roli Seaboard keyboard! Det er eit kjempedyrt interaktivt keyboard som eg har blitt heilt facinert av.


lørdag 19. september 2015

Bloggutfordring 1: 15 fakta om deg.

1: Eg har hatt flyskrekk og jobba meg gjennom den. Kan framleis få litt hjartebank på fly, men ikkje dødsangst (lengre)!

OBS OBS: illustrasjonsbilete er ikkje relatert til sjølve punktet! (men basert på ein sann historie altså)

2: Eg elskar å ta selfies. Så mykje at det er flaut å visa fram bilete-arkivet på mobilen..
hai hai

3: Om nokon hadde tilbudt meg å reisa ut i verdensrommet hadde eg fint sagt "neitakk!"

4: Eg har alltid kreativt rot inni og utanfor hovudet! (som ei venninne fint kalla for kunster-stil ein gong, takk for godviljen)

SAM_0165

5: Men eg har ikkje alltid kreative prosjekt, fordi eg har problemer med å velga kva eg skal gjera og ender ofte opp med å tenka alt for mykje på saken. 

6: Eg veit fortsatt ikkje kva eg vil bli når eg blir stor, men eg veit at det viktigaste er å ha det bra, så kjem resten av seg sjølv! (og eg har det bra!)

7: Eg er litt sånn som Pippi: "Det har eg aldri prøvd før, så det klarar eg heilt sikkert! "

8: Eg er ein "all in" person, alt eller ingenting. 

9: Har eit utroleg positivt syn på livet til å vera såpassa melankolsk som eg er. Ein såkalla "Gladmelankoliker!" (det fant eg på)

10: Eg er ein utroleg utadvendt introvert! 

outgoing introvert jpg
11: Eg drømmer om å reisa aleine til verdas største byar. Det er skummelt og utroleg spennande å reisa aleine! Elskar det! 

12: I år skal eg skaffa meg ein ny hobby, veit ikkje heilt kva endå, men eg er i tankeboksen! 

13: Eg har eit naivt idealistisk syn på menneskeheita, eg er heilt sikker på at me kan fiksa opp i rotet vårt, litt vertfall! Det må vera mogleg!

14: Det aller aller aller beste som finnes er faktisk sjokolade! 

chocolate

15: Eg likar eigentleg ikkje å skriva slike lister, men eg likar å lesa dei. (gjer du?) 


Skriv gjerne tri fakta om deg i kommentarfeltet! Eg vil lesa! 

fredag 11. september 2015

Bloggutfordring!

Eg fekk veldig lyst til å gjera denne utfordinga som Caroline har laga! Den var så fin, ikkje så standrard som eg følar at dei ofte er! Takk Caroline for at du gadd å laga ein ny! 
Eg gleder meg til å starta! 


1. 15 fakta om deg.
2. Fem ting du har lyst på akkurat nå.
3. Fem ting som får deg til å le.
4. Ti ting som gjør livet fint.
5. Fem matretter du elsker.
6. Ti ting du vil gjøre før du dør.
7.  Fem ting du elsket da du var yngre.
8. Ti klesplagg som er skikkelig din stil.
9. Ti matvarer du elsker.
10. Ti punkter som du hadde kjempet for i ditt eget politiske parti.
11. Fem bøker som har gjort inntrykk på deg.
12. Fem filmer eller TV-serier som har gjort inntrykk på deg.
13. Ti plasser du veldig gjerne vil dra til i fremtiden.
14. Fem karaktertrekk du liker ved andre mennesker.
15. Fem steder du vil dra tilbake til.
16. Fem ting du ønsker deg til jul.
17. Innholdet i vesken din.
18. Fem ting du bruker mye energi på.
19. Ti ting som irriterer deg.
20. Fem områder du har forandret deg mye på de siste ti årene.
21. Fem ting du er redd for.
22. 15 bilder som rører noe i deg.
23. Fem ting du har oppnådd i livet.
24. Ti fine blogger du liker akkurat nå.
25. Fem situasjoner der du føler deg komfortabel og glad.
26. Det fineste ved kjærlighet.
27. Fem ting som får deg til å gråte.
28. Ti ting som har vært eller er vanskelig for deg.
29. Hva savner du i livet ditt akkurat nå?
30. En skjønnlitterær tekst skrevet av deg.

lørdag 29. august 2015

Du søv

Mørket kjem over meg

Du søv.

Eg klarar ikkje å stoppa det
Heile verda vuggar

Eg tar mørke fargar kring augo
mørke klede over mi hud.

Skrur av ljoset.

Du søv.

Eg vil bli eit med mørket.

Eg vil bli eit med stilheita.
For i den finner eg ro

Mørket i natta spegler seg
I mørket i meg

I det finner eg min like
I det finner eg mi sjel

SAM_0291


SAM_0314

Nokre dagar må eg dyppa tærne i det mørke. 
Berre for å vita at det ikkje er farleg å ha ein melankolst strek i hjarta.
#postdepression

torsdag 27. august 2015

Til Maria Frå Internett.

Tri ting eg likar veldig godt akkurat no, som gjer at eg er glad for at me lever i ei tid med internett!

1: Fotograf Jane Long! Fotomanipulerer gamle svart/kvitt bileter og setter dei inn i eventyrlig kontekst! Eg drømmer meg heilt vekk!


2: Dear Hank and John: Soundcloud-podcast med brødrene Hank og John Green, du kjenner dei kanskje frå youtube, eller bokverda (The fault is in our stars,av John Green veit du) Eg har høyrt på den dei siste dagane på bussen, når eg eter frokost eller teikner. Dei snakkar om Mars og døden, og svarar på små og store spørsmål fra lytterar. Herleg mørk humor som ofte summer opp dei fleste spørsmåla med "Men me skal jo alle dø eingong uansett!" Rett opp i mi gate, perfekt blanding mellom tøys og nerding! 



3: Mad TV! Eg elska Mad TV då det gjekk på tv (NRK2 på nittitalet). Og oppvokst på revyhumor er ein god sketsj noko eg setter stor pris på! Og ingen gjer det betre en Michael Mc Donald med "Stewart" eller Alex Borsten med sin "Miss Swan". 



tirsdag 21. juli 2015

You're only given a little spark of madness. You mustn't lose it. -Robin Williams




Vise, triste auger. 
Ei kjensle av mørke og lys som sloss om plassen. 

liknande

Related Posts Plugin for WordPress, Blogger...